प्रतिनिधी संदीप लाड
गृह विभागाने पोलीस दलात मोठे फेरबदल केले असून, कर्तव्यदक्ष पोलीस उपनिरीक्षक (PSI) संदीप पाटील यांना सहाय्यक पोलीस निरीक्षक (API) पदावर पदोन्नती देण्यात आली आहे. त्यांच्या उत्कृष्ट कामगिरीची दखल घेत शासनाने हा महत्त्वाचा निर्णय घेतला आहे.संदीप पाटील यांनी यापूर्वी पोलीस उपनिरीक्षक म्हणून काम करताना कायदा व सुव्यवस्था राखण्यात आणि गुन्हेगारी नियंत्रणात मोलाचे योगदान दिले आहे. अनेक गुंतागुंतीच्या गुन्ह्यांचा छडा लावून त्यांनी पोलीस दलाची प्रतिमा उंचावली. त्यांच्या याच सातत्यपूर्ण आणि प्रामाणिक सेवेचा गौरव म्हणून त्यांना ही पदोन्नती मिळाली आहे.या नियुक्तीनंतर पोलीस दलातील वरिष्ठ अधिकारी, सहकारी कर्मचारी आणि नागरिकांकडून संदीप पाटील यांच्यावर अभिनंदनाचा वर्षाव होत आहे. नवीन पदाची सूत्रे हाती घेतल्यानंतर अधिक जबाबदारीने आणि संवेदनशीलतेने जनतेची सेवा करणार असल्याचा विश्वास त्यांनी व्यक्त केला आहे
